Followers

Thursday, June 9, 2011

பெண்ணடிமையா? பெண்ணுரிமையா? இந்தியாவில் நடந்த பெண் (வன்)கொடுமைகள்.


இந்தியாவில் வளர்வது பெண் அடிமைத்தனத்தனமா?
பெண்  உரிமையா?
இந்தியாவில் 2009ல் நடந்த பெண் (வன்)கொடுமைகள்.




இந்தியாவில் கருவிலேயே கருகும் பெண் குழந்தைகள் .


டொராண்டா, மே 28- இந்தியாவில் தான் பெண் குழந்தைகளை பெற்றுக் கொள்ள அநேகம் பேர் தயக்கம் காட்டுகின்றனர். ஆண் குழந்தைகளை மட்டுமே பலரும் விரும்புவதால் பெண் குழந்தைகளின் பிறப்பு விகிதம் நாளுக்கு நாள் குறைந்து வருகிறது.

கடந்த 30 ஆண்டுகளில் மட்டும் இந்தியாவில் 12 மில்லியன் பெண் குழந்தைகள் கருவிலேயே அழிக்கப்பட்டிருப்பதாக அதிர்ச்சித் தகவல் தெரியவந்துள்ளது.

பணக்கார குடும்பத்தைச் சேர்ந்த, அதிகம் படித்த பெண்களே இந்த பாதகச் செயலை செய்துள்ளதாக ஆய்வாளர்கள் தெரிவித்துள்ளனர். இதனால் ஆண், பெண் விகிதாச்சாரத்தில் அதிக வேறுபாடு எழுந்துள்ளது.

ஆண் குழந்தைகளுக்கு முக்கியத்துவம்

இந்தியாவில் ஆண் குழந்தைகளுக்கு அதிக அளவில் முக்கியத்துவம் கொடுப்பதன் காரணமாகவே முதலில் உருவாகும் பெண் குழந்தைகளை கருக்கலைப்பு செய்து விடுகின்றனர்.

அல்ட்ரா சவுண்ட் ஸ்கேன் வசதி வந்த பின்னர் படித்த பெண்கள் பலரும் கருவில் உள்ள குழந்தை ஆணா, பெண்ணா என்பதை தெரிந்து கொண்டு பெண் என்றால் தயங்காமல் கருக்கலைப்பு செய்து விடுகின்றனர்.

இப்படி கருவிலேயே கொல்லப்பட்ட பெண்குழந்தைகளின் எண்ணிக்கை கடந்த முப்பதாண்டுகளில் மட்டும் 12 மில்லியனை எட்டியுள்ளதாக கனடா நாட்டின் டொராண்டாவில் உள்ள உலக சுகாதார ஆய்வு நிறுவனம் வெளியிட்ட அறிக்கை தெரிவிக்கிறது.

கருவில் முதலில் உருவாகும் குழந்தை ஆணாக இருக்கும் பட்சத்தில் அந்த குழந்தையை எதுவும் செய்யாமல் பெற்றுக்கொள்ளும் தாய்மார்கள் அதுவே பெண் குழந்தை என்றால் கருக்கலைப்பு செய்வதற்குத் தயங்குவதில்லை.

இந்தியர்களின் சமூக வாழ்க்கையில் ஆண் குழந்தைக்கு அதிக முக்கியத்துவம் கொடுப்பதே பெண் குழந்தைகளை கருவிலேயே கொல்லக் காரணம் என்பது தெரியவந்துள்ளது. இந்த மனப்பான்மை படித்த மற்றும் பணக்காரர்களை மட்டுமல்லாது பாமரர்களையும் தொற்றிக் கொண்டுள்ளது.

அண்டை நாடான சீனாவில் ஒரு குழந்தை கொள்கை கடைப் பிடிக்கப்படுவதால் முதலில் உருவாகும் பெண் குழந்தையை கருக்கலைப்பு செய்து விடுகின்றனர். ஆனால் இந்தியாவில் இந்தக் கட்டுப்பாடு கிடையாது.

இருப்பினும் நகரத்தில் வசிக்கும் பெண்கள் ஒரு குழந்தை மட்டுமே பெற்றுக் கொள்ள வேண்டும் என்று நினைப்பதால் அவர்கள் ஆண் குழந்தை மட்டுமே பிறக்க வேண்டும் என்ற எண்ணத்தில் ஸ்கேன் செய்து பார்த்து பெண் குழந்தையை கருக்கலைப்பு செய்து விடுகின்றனர்.

இதனால் கடந்த 30 ஆண்டுகளில் ஆண், பெண் பாலினத்திற்கு இடையேயான விகிதாச்சார இடை வெளி அதிகரித்துள்ளது.

1990 முதல் 2005 வரை எடுத்த கணக்கெடுப்பின்படி பார்க்கும் போது 1990 ஆம் ஆண்டில் ஆயிரம் ஆண் குழந்தைகளுக்கு 906 பெண் குழந்தைகள் என்ற விகிதத்தில் குழந்தைகள் பிறப்பு இருந்தது.

அதுவே 2005 ஆம் ஆண்டில் ஆயிரம் ஆண் குழந்தைகளுக்கு 836 பெண் குழந்தைகளே பிறந்துள்ளன என்ற அதிர்ச்சி கலந்த உண்மை தெரியவந்துள்ளது.

1980 ஆம் ஆண்டு முதல் 2010 ஆம் ஆண்டு வரையிலான கடைசி 30 ஆண்டுகளில் மட்டும் 4 முதல் 1.2 கோடி பெண் குழந்தைகள் கருவிலேயே அழிக்கப்பட்டிருப்பதே இந்த விகிதாச் சார மாறுபாட்டிற்கு காரணம் என்பது தெரியவந்துள்ளது.

இதே நிலை நீடித்தால் 2:1 என்ற விகிதத்தில் பெண் குழந்தைகளின் பிறப்பு குறைந்து விடும். பெண் குழந்தைகளை திருமணம் செய்வதற்காக ஆண்கள் அதிகம் போராட வேண்டியி ருக்கும்.

கேள்விக்குறியான ஸ்கேன் தடைச்சட்டம்:

கருவில் இருக்கும் குழந்தை ஆணா, பெண்ணா என்பதை ஸ்கேன் பரிசோதனை செய்து பெண் குழந் தைகளை கருக்கலைப்பு செய்வதை தடை செய் வதற்காக இந்தியாவில் 1996 ஆம் ஆண்டு சட் டம் இயற்றப்பட்டது. இருப்பினும் பெண் குழந்தைகளை கருக் கலைப்பு செய்வதை இதன் மூலமும் தடுக்க முடியவில்லை.

Source: http://viduthalai.in/new/home/world-news/36-world-news/10400-2011-05-28-10-12-38.html
|||||||||||||||||||||||||||||||||||||||||||||||||||||


சுட்டிகளை சொடுக்கி படித்து
சிந்திப்போமா?








.||||||||||||||||||||||||||||||||||||

 நன்றி: இப்பதிவின் தலைப்பு, SOURCE,   சுட்டிகள் அனுப்பி தந்த அன்பருக்கு.

No comments: