Followers

Tuesday, November 11, 2008

மிருகங்களைப் புணர வேண்டும் என்கிற கேவலமான சிந்தனையல்லவா இவற்றை எழுதியவர்க்கு இருந்திருக்க வேண்டும்

நீ பசுமகன் என அந்தணர்கள் ஆபுத்திரனை ஏசிப்பேசும்போது, ஆபுத்திரன் சொல்கிறான்.உங்கள் முன்னோர்களின் பிறப்பை நீர் மறந்தீர்களோ?

வசிட்டரும், அகத்தியரும்.

மணிமேகலையில் இடையிடையே வரும் சிறுகதைகளைத் தொகுத்து, மணிமேகலைச் சிறுகதைகள் என்ற பெயரிடப்பட்ட நூலைப் படித்தேன்.

அந்தணன் ஒருவனின் மனைவி ஒழுக்கம் தவறியதால், பதி தன்னை வெறுப்பானே என்று பயந்து, வீட்டை விட்டு வெளி யேறுகிறாள். அவள் பெயர் சாலி. நடுவழியில் குழந்தை பிறக்கிறது. இரவென்றும் பாராமல் தோட்டம் ஒன்றில் குழந்தையைப் போட்டுவிட, பசு ஒன்று பால் தருகிறது. இளம்பூதி என்பவன் எடுத்து வளர்க்கிறான்.

குழந்தையாகிய ஆபுத்திரன் வளர்ந்தபின், வேள்வியிலே கொல்லுவதற்காகக் கட்டிய பசுவை அவிழ்த்து ஓட்டிச் செல்லும்போது பிடிபடுகிறான்.நீ பசுமகன் என அந்தணர்கள் ஆபுத்திரனை ஏசிப்பேசும்போது,

ஆபுத்திரன் சொல்கிறான்.உங்கள் முன்னோர்களின் பிறப்பை நீர் மறந்தீர்களோ? அசலன் என்னும் அந்தணன் யார் மகன்? பசுவின் மகன் அல்லவா?

சிருங்கி, சிருங்கி எனத் தலைமேல் வைத்துக் கொண்டாடுகிறீர்களே, அந்த முனிவரின் தாய், மான் வயிற்றில்தானே பிறந்தாள்.

விரிஞ்சி என்பவன் புலிக்குப் பிறந்தவனன்றோ?

உயர்ந்தோர் போற்றும் கேசகம் பளன் நரிக்குப் பிறந்தவன்தானே.

உங்கள் குல முன்னோர்களாகிய வசிட்டரும், அகத்தியரும் விலைமாதின் மக்கள் என்பதை அறிவீர்களா?இதைப் படித்தபோது, தலை சுற்றிக் கீழே விழாத குறைதான்.

மிருகங்களைப் புணர வேண்டும் என்கிற கேவலமான சிந்தனை யல்லவா, வக்கிர புத்தியல்லவா, இவற்றை எழுதியவர்க்கு இருந்திருக்க வேண்டும் என்று தோன்றியது.

நல்லவேளை, சாலி என்பவள், மகாபாரதக் குந்தியைப் போல், நான் சந்திரனை மனதுள் ரசித்தேன். அதனால் சந்திரன் என்னுள் பிரவேசித்து குழந்தை பிறந்தது என்று சொல்வதாக எழுதாமல் விட்டார்களே! தகவல்: எம்.கதிர்வேல், கோவை

unmaionline/20081101/
------------------------------------

No comments: