Followers

Friday, May 16, 2008

வேணுகோபால் என்ற பார்ப்பனர்-மந்திரி அன்புமணி கவனிப்பாரா?."தீண்டாமைப் பாம்பின் ஆட்டம்!

எய்ம்ஸில்" தீண்டாமைப் பாம்பின் ஆட்டம்!

டெல்லியில் உள்ள அகில இந்திய மருத்துவ விஞ்ஞானக் கழகம் புகழ்பெற்ற ஒன்றாகும். பெரிய பதவியில் உள்ளவர்கள், பிரமுகர்களுக்கு உடல்நலம் பாதிக்கப்பட்டால் உடனடியாக சேர்க்கப்படுவது இந்த மருத்துவமனையில்தான்.

இந்த மருத்துவமனை அண்மைக்காலமாக மக்கள் மத்தியில் மிகக் கடுமையான அவப்பெயரை வாங்கிக் கட்டிக் கொண்டு இருக்கிறது.

பிற்படுத்தப்பட்டவர்களுக்கு உயர்கல்வி நிறுவனங்களில் 27 விழுக்காடு இட ஒதுக்கீட்டினை அமல்படுத்தவேண்டும் என்று நாடாளுமன்றத்தில் சட்டம் இயற்றிய நிலையில், இந்த மருத்துவக் கல்லூரி மாணவர்கள் மிகக் கேவலமான வகையில், அருவருக்கத்தக்க வகையில் ஆர்ப்பாட்டங்களை நடத்தினர்.

போராட்டங்கள் தடை செய்யப்பட்ட அந்தக் கல்லூரியின் வளாகத்துக்குள்ளேயே கல்லூரியின் மின்சாரம், தளவாட சாமான்களைப் பயன்படுத்திக்கொண்டு சட்ட விரோதமாகப் போராட்டங்களை நடத்தினார்கள். உயிருக்குப் போராடிக் கொண்டிருந்த நோயாளிகளுக்கு மருத்துவம் செய்வதையும் புறக்கணித்தனர்.

அந்த அளவுக்கு "மனிதாபிமானத்துடன்" அவர்கள் நடந்துகொண்டிருக்கின்றனர். அதைவிடப் பெரிய கொடுமை, அவர்கள் வேலை நிறுத்தம் செய்த காலத்திற்குச் சம்பளமும் அளிக்கவேண்டும் என்று உச்சநீதிமன்றம் உத்தரவிட்டதாகும்.

இவ்வளவுக்கும் பின்புலமாக பின்பலமாக இருந்தவர் அந்த நிறுவனத்தின் இயக்குநராக இருந்த டாக்டர் வேணுகோபால் என்ற ஆந்திர மாநிலப் பார்ப்பனர் ஆவார்.

மத்தியில் பா.ஜ.க. ஆட்சியில் இருந்தபோது பார்ப்பன உணர் வோடு, அவர் ஓய்வுக்குப் பிறகும் 5 ஆண்டுகள் பதவி நீட்டிப்பு அளிக்கப்பட்டவர்.

65 வயதுக்குமேல் இந்தப் பதவியில் நீட்டிக்கக் கூடாது என்று இன்றைய அய்க்கிய முற்போக்குக் கூட்டணி ஆட்சியில் தனிச் சட்டம் நிறைவேற்றப்பட்டு, அந்தப் பதவியிலிருந்து டாக்டர் வேணுகோபால் நீக்கப்பட்ட நிலையில், நீதிமன்றத்தின் தாராள உதவியால் மீண்டும் அந்தப் பதவியில் உட்கார்ந்துவிட்டார்.

நம் நாட்டின் நியாயமும், நீதியும், பொது ஒழுக்கமும் எந்தத் தரத்தில் போய்க் கொண்டு இருக்கின்றன என்பதற்கு இவையெல்லாம் கண்கண்ட க(ச)ட்சிகள்.
இப்பொழுது வெளிவந்துள்ள இன்னொரு தகவல் நம் மூச்சையே நிறுத்தக்கூடியதாக உள்ளது.

அந்தக் கல்லூரியில் படிக்கும் தாழ்த்தப்பட்ட, மலைவாழ் சமூகத்தைச் சேர்ந்த மாணவர்கள் திட்டமிட்ட வகையில் அவமதிக்கப்படுவதாகவும், புறக்கணிக்கப்படுவதாகவும் தகவல்கள் அதிகாரப்பூர்வமாக வெளிவந்துள்ளன.

இதுபற்றிய புகார்கள் வந்தபோது பேராசிரியர் எஸ்.கே. தோரட் தலைமையில் அமைக்கப்பட்ட மூவர் கொண்ட விசாரணைக் குழு தன் அறிக்கையைக் கொடுத்துள்ளது.

தாழ்த்தப்பட்ட மாணவர்கள் என்பதற்காக ஆசிரியர் அம்மாணவர்களுக்கு ஒத்துழைப்புக் கொடுப்பதில்லை; அவர்களின் தேர்வுத் தாள்கள் சரியாகத் திருத்தப்படுவதில்லை;

எதிர்பார்த்த மதிப்பெண்களைவிடக் குறைவாக மதிப்பெண்கள் தரப்படுகின்றன.

தேர்வு அதிகாரிகள் மாணவர்களின் ஜாதிகளைத் தெரிந்துகொண்டு அதன் அடிப்படையில் மதிப்பெண்கள் போடுவதுவரை அங்கே நடைபெற்றுவருகிறது.

வகுப்பு அறைகளிலும் தாழ்த்தப்பட்ட மாணவர்கள் ஜாதி ரீதியான இழிவுக்கு ஆளாக்கப்படுகின்றனர் என்கிற தகவல்களையெல்லாம் திரட்டி விசாரணைக் குழு அறிக்கையாகத் தந்துள்ளது.

இதை ஒரு சாதாரண பிரச்சினையாக அரசு அலட்சியம் செய்துவிடக் கூடாது. இது மிகப்பெரிய பிரச்சினையாகும். இந்திய அரசமைப்புச் சட்டத்தின் 17 ஆவது பிரிவு கூறும் - தீண் டாமை ஒழிப்புச் சட்டத்தின்கீழ், இதற்குக் காரணமானவர்கள் கடுமையாகத் தண்டிக்கப்பட வேண்டியவர்கள் ஆவார்கள்.

இந்தியாவின் தலைநகரத்திலே - அதுவும் ஒரு மருத்துவக் கல்லூரியிலே இந்த மனித உரிமை மீறல், தீண்டாமைக் கொடுமை என்றால், இதனை எப்படி அனுமதிக்க முடியும்?

இந்தக் கொடுமைகளுக்கெல்லாம் பின்னணித் திரையில் இருந்து இயக்கிய ஒருவர்தான் மீண்டும் இயக்குநராக நீதி மன்றத்தால் அமர்த்தப்பட்டுள்ளார் என்பது ஜீரணிக்கப்பட முடியாத ஒன்றாகும்.

இதுபோன்ற அறிக்கைகள் முக்கியத்துவம் பெறாமல் போவது உண்டு. அந்தப் பட்டியலில் இந்த அறிக்கை இடம்பெற்றுவிடக் கூடாது. உரிய தண்டனையிலிருந்து ஒருவர் கூடத் தப்பித்து விடக் கூடாது.

மத்திய அரசு - குறிப்பாக மத்திய மக்கள் நல் வாழ்வுத் துறை அமைச்சர் டாக்டர் அன்புமணி ராமதாஸ் இதில் முக்கிய கவனம் செலுத்துவார் என்று நம்புகிறோம்.

எய்ம்ஸ் நிறுவனத்தில் பயிலும் தாழ்த்தப்பட்ட மற்றும் பழங்குடியின மாணவர்களுக்கு பல்வேறு கொடுமைகள் இழைக்கப்பட்டிருப்பது அம்பலமாகியுள்ளது (ஃபிரன்ட் லைன் 9-5-08).

இந்தியாவில் மிகப்பெரும் மருத்துவக் கல்வி நிறுவனமான அகில இந்திய மருத்துவ விஞ்ஞானக் கழகம் (எய்ம்ஸ்) தொடர்ந்து பல்வேறு சர்ச்சைகளில் சிக்கி வருகிறது.

குறிப்பாக பிற்படுத்தப் பட்ட மாணவர்களுக்கு மத்திய அரசு கல்வி நிறுவனங்களில் 27 சதவிகித இட ஒதுக்கீடு வழங்க மத்திய அரசு சட்டம் கொண்டு வந்தபோது அதை எதிர்த்து உயர் சாதி மாணவர்கள் தீவிரமாக அணி திரண்டு போராட்டம் நடத்தினர்.

இவர்களின் போராட்டம், எய்ம்ஸ் இயக்குநர் வேணுகோபாலின் தூண்டுதலாலேயே நடத்தப்பட்டது கண்டுபிடிக்கப்பட்டது.

தற்போது எய்ம்ஸில் படிக்கும் தாழ்த்தப்பட்ட பழங்குடி மாணவர்களுக்கு பல்வேறு அநீதிகள் இழைக்கப்பட்டுள்ளது பற்றி பேராசிரியர் எஸ்.கே. தோரட் தலைமையில் அமைக்கப்பட்ட மூன்றுபேர் கொண்ட விசாரணைக் குழு மேற்கொண்ட ஆய்விலேயே ஜாதியின் பெயரால் செய்யப் பட்டக் கொடுமை அம்பலமாகியுள்ளது.

இங்கு பயிலும் மாணவர்களில் 89 சதவிகிதம் பேர்களுக்கு ஆசிரியர்களிடமிருந்து போதுமான கற்பித்தல் உதவி கிடைக்காமல் இருப்பதும் அதில் மூன்றில் ஒரு பகுதி மாணவர்களை அவர்களின் ஜாதியை முன்னிலைப்படுத்தி விலக்கி வந்திருந்ததும் தெரிய வந்துள்ளது.

மேலும் தாழ்த்தப் பட்ட மற்றும் பழங்குடி இனத்தைச் சார்ந்த மாணவர்கள் தங்களின் ஆங்கில மொழித் திறனை வளர்த்துக் கொள்ள வாய்ப்பாக சிறப்பு வகுப்புகள் நடத்த வேண்டும் என்ற கோரிக்கையும் நிராகரிக்கப்பட்டுள்ளது.

22 சதவிகிதம் எஸ்.சி., எஸ்.டி. மாணவர்கள் அவர் களின் வகுப்பு நேரங்களில் ஜாதி ரீதியான இழிவுக்கு ஆளாகியுள்ளனர்.

இதையெல்லாம் விட அவர்களின் தேர்வுத்தாள் கள் சரியாக திருத்தப்படுவதில்லை என்றும், அவர்களுக்குத் தர வேண்டிய மதிப்பெண்களைவிட குறைவாகவே மதிப்பிடப்பட்டுள்ளது என்றும் விசாரணைக் கமிஷனிடம் குறிப்பிட்டுள்ளனர்.

இதே போல செய்முறை தேர்வு மற்றும் நேர்முகத் தேர்வு போன்ற வற்றிலும் இந்த நிலைமை இருப்பதாகவும் குற்றம் சாட்டியுள்ளனர். இதற்கு ஒருபடி மேலே போய் தேர்வு அதிகாரிகள் மாணவர்களின் ஜாதிபற்றி விசாரித்ததாக 76 சதவிகித மாணவர்களும் 84 சதவிகித மாணவர்கள் தங்கள் தாழ்த் தப்பட்ட ஜாதியில் பிறந்ததற் காக தங்களது மதிப்பெண் தரம் குறைக்கப்பட்டுள்ளதாகவும் தெரிவித்துள்ளனர்.

இட ஒதுக்கீடு எதிர்ப்புப் போராட்டம் நடைபெற்றபோது தாழ்த்தப்பட்ட மாணவர்கள் எய்ம்ஸ் விடுதியின் மேல் தளத்திற்கு மாற்றப்பட்டு கீழ் தளத்தில் தங்குவதற்கு அனுமதி மறுக்கப்பட்டுள்ள கொடுமையும் அரங்கேறியுள்ளது.

மேல் தளம் முழுவதும் எஸ்.சி.களுக்கு என்றும் தரைத் தளம் உயர் ஜாதிக்காரர்களுக்கென்றும் ஏற்பாடு செய்யப்பட்டது.

இத்தனைக் கொடுமைகளுக்கும் பார்ப்பன இயக்குநர் வேணுகோபால்தான் காரணம். பாதிக்கப்பட்ட மாணவர்கள் பற்றி விசாரணைக் கமிஷனிடம் இவ்வாறு குற்றம் சாட்டியுள்ளது குறித்து கேட்ட போது உயர்ஜாதி மாணவர்களால் இழிவுபடுத்தப்பட்டது.

துஷ்பிரயோகம் செய்யப்பட்டது எல்லாவற்றிற்கும் மேலாக வன்முறையில் ஈடுபட்டதும், தங்களை சக மாணவ நண்பர்கள் மன ரீதியாக காயப்படுத்தியதாக கூறியுள்ளனர்.
இத்தனைக்கும் மேலாக அனைவருக்கும் பொதுவான விடுதி உணவுகளிலும் ஜாதிய ரீதியில் ஒதுக்கி தனிமைப்படுத்தப்பட்ட இழிவு நிலைக்கு தள்ளப்பட்டுள்ளனர். இந்த நிலை கலாச்சார நிகழ்ச்சிகளிலும் கூட நிலவியதாக தெரிய வந்துள்ளது.
viduthalai.com.
---------------------------
கிறிஸ்தவர்கள் முயல், பன்றி இறைச்சி உண்ணக்கூடாது. :பைபிள். பன்றியை தொடவும் கூடாது.

கருணையின் சொருபமாக சித்தரிக்கப்படும் இயேசு ( கர்த்தர்) கொலைகார‌ரா? பைபிள்:ஆமாம்!!! ‍
-----------------------------------
அழுத்தவும் :- மற்ற பதிவுகள்>

No comments: