Followers

Tuesday, April 8, 2008

இதை படித்த பிறகு எப்படி சிரிப்பது என்பது உங்கள் முடிவுக்கு… ``ஆண்டவன் சன்னிதி’’கள் அபாய அறிவிப்பு ! கடவுள் கவனிக்குமா?

படித்த பிறகு எப்படி சிரிப்பது என்பது படிப்போர் முடிவுக்கு… ``ஆண்டவன் சன்னிதி’’கள் அபாய அறிவிப்பு! கடவுள் கவனிக்குமா ?

திருச்சூர் வடக்கு நாதர் ஆலயம்: ஏற்கெனவே இந்த ஆலயம், துர்சக்திகளால் தாக்கப்பட்டு தீ விபத்தும் ஏற்பட்டுள்ளது. ஆனாலும், மூலஸ்தானம் மந்திர பந்தனம் செய்யப்ட்டுள்ளதால், பிரேத போஜினி சக்திகள் அவ்வாலயத்தின் வெளியே தான் உலவுகின்றன.

சிவனின் சத்யோஜாத சக்திகள் அங்கே வெளியேறி விட்டது. இதனால், கேரள தேசத்து மக்கள் மற்ற மாநில மக்களைவிட, சத்தியத்தை மீறுவதில் முன்னணியில் திகழ்வர்.

குருவாயூர்: இந்த ஆலய ஊழியர்கள், அதிகாரிகள் காழ்ப்புணர்ச்சியின் காரண மாக, தவறுகளை ஏற்றுக் கொள்ளும் மனநிலையில் எவருமில்லை. அதற்குப் பதிலாக, அங்கு வேலை செய்தவர்கள் அடி முதல் நுனி வரை மஹாபாதக பாவ மன நிலையில் உள்ளனர்.

குருவாயூர் குளத்தில் கிட்டத்தட்ட 70-க்கும் மேற்பட்ட பிரேத ஆவிகளை நாங்கள் விரட்டியடித்த பின்பு தான் ஜெபம் செய்யவே முடிந்தது.

அங்கே, கிருஷ்ணனின் தெய்வ சக்திகள் காசோலையிலும், யானைக் கோட்டத்திலும், ஆலயத்தில் உள்ள ஸ்ரீ ரங்கநாதர் சந்நிதியிலும் மாறி மாறி உள்ளது.

மாதத்தில் வரும் இரு அஷ்டமிகளில் மட்டும் சக்திகள் நிறைந்துள்ளது. சிலையை அலங்காரம் செய்து விளக்கேற்றுவதால் மட்டும் தெய்வ சாநித்யம் ஏற்படாது.

அங்குள்ள நம்பூதிரிகள், கிருஷ்ணனுக்கு பூஜா கடமைகளைத் தூய உள்ளத்தில் செய்வதில்லை; கடனுக்குச் செய்கின்றனர்.

அதனாலேயே, கிருஷ்ணனின் சதுர்வியூக பரிகார தேவதைகள், நம்பூதிரிகளைப் பழி வாங்கும் நோக்குடன் இருக்கின்றன. அந்த சக்திகள் அவர்கள் வம்சத்தைக்கூட அழித்து விடும் ஆக்ரோஷ நிலையிலுள்ளது.

இந்த ஆலயத்தில், உண்டியலில் போடும் தங்கத்தில் விவரிக்க முடியாத தோஷ பாவங்கள் உள்ளன. இந்தப் பாவங்களை நீக்கும் பிராயச் சித்தங்கள் அங்கே செய்யப்படுவதில்லை.

பெரும்பாலான தங்கம் திருடப்படுவதை பிரசன்னம் காட்டுகிறது.

காணிக்கைகளில் பிரேத சகுனங்களே நிரம்பியுள்ளன.

இதனால், அந்த ஆலயத்தில் சொல்லும் மந்திரங்கள் அந்தப் பிரேதங்களுக்கு உணவாகிவிடும். ஆலய ஊழியர்களிடையே ரக்த பீடித தேவதைகள் சூழப்பட்டிருக்கிறது.

ஆலய ஊழியர்கள் குருவாயூர் கிருஷ்ணனின் தெய்வ சக்தியை மதித்து, அவமானப்படுத்தாமலும், திருடாமலும் பணி செய்தல் நல்லது;

இல்லையெனில், ஒட்டு மொத்தமான வம்ச நாசத்திற்கு குருவாயூரப்பன் தயாராகிவிட்டார் என்பதை எமது பிரசன்னம் தெரிவிக்கின்றது.

சோற்றாணிக்கரை ஆலயம்: இங்கு பிரசன்னம் தோன்றவில்லை. மந்திர பலம் வீரியமாக உள்ளது. உள்ளே நுழைய முடியவில்லை.

அடுத்து வைக்கம் கடுத்துருத்தி, ஏஞறுமானூர், ஆதித்யபுரம் சூரியன் கோவில் இவைகளில் பிரசன்னத்திற்கு உட்படுத்தினோம்.

இங்கும் தெய்வ பலத்தை எடுக்க முடியாதபடி மந்திர பந்தனம் செய்யப் பட்டுள்ளது. சாநித்யம் இருந்தாலும், பீடை சக்திகளால் கோவிலின் பொலிவு அழகின்றது.

சபரிமலை ஜயப்பன் கோவில்: இங்கு பாலப்பல்லி பூங்காவனத்திலிருந்து ஜெபித்து எமது பிரசன்னத்தைத் தொடந்தோம்.

அய்யப்பனின் 2700 பரிவார தேவதைகளை, ஜெபத்தினால் சாந்தம் செய்து, பம்பை நதியில் குடி கொண்டிருக்கும் பிசாசுகளை எல்லை பந்தனம் செய்தோம்.

ஆனால், துர்தேவதைகளின் பிடியில் அந்த மலை இருப்பதை பிரசன்னம் அறிவிக்கின்றது.

பதினெட்டாம் படியில் மட்டுமே தெய்வ சாநித்யம், வருடத்தின் 9 நாள் களுக்கு மட்டுமே உள்ளது. படி பூஜையை காசுக்காக விற்று விடுகிறார்கள். எனவே, படி தேவதைகள் சாந்தமாகவில்லை.

அய்ப்பனும் சந்தோஷமாக இல்லை. லட்சத்தில் ஒருவரை மட்டுமே பார்க்கிறார்.

அய்யப்பனைச் சுற்றியுள்ள பரிவார பூத கணங்கள், ஒவ்வொருவர் தலையிலும் அவரவரின் பாவங்களை மீண்டும் மூட்டையாக ஏற்றி வைத்து விடுகிறது.

அங்கே மந்திரம் ஜெபிப்பதற்கென ஒரு இடம் ஏற்படுத்தி, நிசப்தமான சூழலில் மந்திரம் ஜெபித்து, அந்த மந்திரத்தைப் பூஜைப் பொருள்களில் சமர்ப்பணம் செய்தால், அய்யப்பன் அங்கேயிருப்பார்;

இல்லையேல். அவர் வெளியேறி குளத்துப் புழையில் ஸ்திரமாகத் தங்கி விடுவார் என்று தேவபிரசன்னம் தெரிவிக்கிறது. பெரும் உயிர்சேதம் ஏற்படவும் அதிக வாய்ப்புகள் உள்ளன

.(குறிப்பு: மகாப்பிரத்யங்கிரா தவபீடம் என்று கோவையில் வைத்துள்ள வேங்கட சர்மா விடுத்துள்ள அபாய அறிவிப்பு இது)

படித்த பிறகு எப்படி சிரிப்பது என்பது படிப்போர் முடிவுக்கு.
http://viduthalai.com/20080405/snews07.html
---------------------------------------
:- மற்ற பதிவுகள்

No comments: