Followers

Saturday, June 2, 2007

தங்கத்தில் தேராம் பெண் கடவுளுக்கு ஒரு கோடி ரூபாய் பாழ்!

சென்னை, ஜூன் 1- சென்னை, மயிலாப்பூரில் முண்டக்கண்ணி அம்மன் கோயில் ஒன்று உண்டு. இந்த அம்மன் சாமி வெளியே போய் வருவதற்கு வாகனம் வேண்டும் என்று அது கேட்கவில்லை. பக்தர்கள் அப்படிப்பட்ட ஒரு வண்டியை ஏற்பாடு செய்ய வேண்டும் என்று நினைத்தார்கள். அறிவியல் கண்டுபிடிப்பான கார், விமானம் போன்ற எதையும் செய்யாமல் பழையகாலப் பழக்கப்படி “தேர்” செய்துள்ளனர்.

100 குழி தேக்குமரம் பயன்படுத்தி 150 கிலோ செப்புத் தகடு பதித்து எட்டரை கிலோ சுத்தமான தங்கத்தையும் பயன்படுத்தித் தேர் செய்திருக்கிறார்கள் எட்டு அடி உயரமாம். இதற்கான செலவு ஒரு கோடி ரூபாயாம். ஒரு ஆண்டாகச் செய்து வந்து முடிவடையும் நிலையில் உள்ளதாம்.

இன்று அந்தத் தேருக்குப் பூஜை, புனஸ்காரம் எல்லாம் செய்யத் தொடங்குகிறார்களாம். ஞாயிறு மாலை முண்டக்கண்ணி அம்மன் தெருத்தெருவாக வருமாம். நடந்து வராது. இந்தத் தங்கத் தேரில் உட்கார்ந்து கொண்டு வருமாம். கடவுளச்சியின் சக்தியில் தேர் தானாக நகருமா என்றால் அதுவும் கிடையாது. ஆள்கள் இழுத்துப் போக வேண்டும்.

இவ்வளவு தொல்லைகளைத் தரும் ஏற்பாட்டை இவ்வளவு பணத்தைக் கொட்டிச் செய்ய வேண்டுமா? பக்தர்கள் சிந்திக்க வேண்டும்! சிந்தித்தால்தான் பக்தி போய்விடும் என்கிறீர்களா? அதுதான் சரி! ( விடுதலை 1-06-07 )

No comments: