Followers

Saturday, June 2, 2007

இது ஒரு புதுவகை மோசடி!

இது ஒரு புதுவகை மோசடி!

தாம்பரம், ஜடூன் 1 யாகம், ஹோமம் என்றெல்லாம் மக்களை ஏமாற்றும் மோசடி இன்னும் நடந்து வருகிறது. ஏமாறுபவர்கள் இருப்பதால் ஏமாற்றுபவர்களும் இருக்கிறார்கள் என்று சொல்லப்படுவதுண்டு. ஆனாலும் சிந்தனை சக்தி சிறிதும் இல்லாத மக்களைப் பலவித ஆசைகள் காட்டி ஏமாற்றுகிறார்கள். மணவாழ்க்கைக்குத் தோசம் இருக்கிறது, அதைக் கழிக்க வேண்டும், இன்ன சடங்கு செய்ய வேண்டும் என்று அப்பாவி மக்களை ஏமாற்றிப் பணம் பறிக்கும் சோதிடர் கூட்டம் குறையவேயில்லை.

பெண்களுக்குத் திருமணம் செய்து ஒருவன் கையில் “பிடித்துக் கொடுத்துவிடவேண்டும்” என்கிற அவசரம் தற்காலத்தில் பெற்றோர்களிடம் பரவலாகக் காணப் படுகிறது. வசதி குறைந்த மக்களிடம் தான் இந்த அவசரம். அதனைப் பயன்படுத்திக் கொண்டு மோசடிகள் செய்கிறது ஜோதிடப் புரட்டர் கூட்டம்.

இப்போது ஒட்டுமொத்தமாகத் தோசம் கழிக்க ஹோமம் செய்கிறார்களாம். தோசம் இருப்பவர்கள் இல்லாதவர்கள் எல்லாருக்குமாக ஹோமம் நடத்துகிறேன் என்கிறார்கள். தனித் தனியேதானே தோச பரிகாரம் செய்ய வேண்-டும் என்று கூறுகிறார்கள்; நீங்கள் மொத்தமாகச் செய்கிறீர்களே என யாரும் கேட்பதில்லை.

ஆகவேதான் தாம்பரம் கவுரிவாக்கத்தில் உள்ள கோயிலில் சுயம்வரகலா பார்வதி ஹோமம் என்கிற பெயரில் ஓர் ஏற்பாடு. பணவசூல் ஏராளம். கொட்டிக் கொடுக்கத்தான் பக்தர்கள் உள்ளனரே! பார்ப்பனர் வீட்டில் மழை! திருந்தாத ஜென்மங்கள் இருந்தென்ன லாபம்? ( விடுதலை 1.06.07 )

No comments: